Galicia continuará este mércores baixo a influencia de altas presións, que bloquean a chegada de borrascas atlánticas, polo que non haberá cambios significativos, con ceos moi despexados e algunha néboa matinal illada en puntos do interior, segundo a predición de Meteogalicia.
As temperaturas non terán cambios significativos, polo que de novo haberá unha gran oscilación térmica entre as mínimas e as máximas.
Os ventos soprarán do leste, con intervalos fortes no extremo norte da comunidade.
Temperaturas mínimas e máximas previstas para o mércores nas cidades: A Coruña 13° 23°; Ferrol 12° 24°; Lugo 9° 23°; Ourense 9° 26°; Pontevedra 12° 27°; Santiago 12° 25°; Vigo 16° 27°.
