Katy Perry ofrecerá un único concerto en España, o próximo 28 de xuño no Palau Sant Jordi de Barcelona, no marco da súa xira Witness The Tour, de presentación do seu cuarto álbum de estudo, Witness.
O último disco da cantante, lanzado o pasado xuño e que chegou a ocupar o posto número 1 de iTunes nun total de 46 países, ten como tema principal Chained To The Rhythm.
A canción alcanzou a marca de escoitas dunha artista feminina o día do seu lanzamento en Spotify, e o álbum inclúe outras cancións como Bon Appetit, cuxo vídeo foi o máis visto de toda a carreira de Katy Perry, ou Swish Swish.
Segundo informou o promotora Doutor Music, a nova xira da cantante, que é a primeira tras o Prismatic World Tour de 2015, presenta unha "rompedora posta en escena e un show trepidante".
Trust and believe I'm coming for you, too, Barcelona 💕⚡See you June 28! 🎟 on sale March 7! pic.twitter.com/PQT1Yd1t66
— KATY PERRY (@katyperry) 27 febreiro 2018
A cantante difundiu a noticia do concerto de Barcelona en internet cun GIF no que aparecen as cores da bandeira e o escudo de España.
Este feito xerou polémica na rede cando un internauta a chamou "facha" e outro chanceou coa posibilidade de que Marta Sánchez fose a súa teloneira.
Rapidamente sucedéronse os tuits de apoio á cantante norteamericana, que debutou en 2008 co álbum One of the Boys e alcanzou o recoñecemento mundial co seu seguinte traballo, Teenage dream, en 2010, e que ten ás súas costas grandes éxitos musicais como as cancións Firework, Roar e Dark Horse.
As entradas para este único concerto en Barcelona poderanse adquirir a partir do 7 de marzo nas canles habituais de venda.
