Asasinada a golpes en Xaén presuntamente polo seu marido, xa detido

A filla do matrimonio atopou o corpo sen vida da súa nai
O asasinato produciuse nunha vivenda da rúa Francisco Ayala García de Xaén. GOOGLE MAPS
photo_camera O asasinato produciuse nunha vivenda da rúa Francisco Ayala García de Xaén. GOOGLE MAPS

Unha muller duns 70 anos foi asasinada este domingo en Xaén presuntamente polo seu marido, que foi detido pola Policía Nacional, segundo informaron a Efe fontes policiais.

Os feitos producíronse sobre as 12:00 horas nunha vivenda da rúa Francisco Ayala García da capital xienense, onde unha filla do matrimonio atopou á súa nai e alertou ao servizo de urxencias 112.

Segundo as fontes, as primeiras investigacións indican que a muller recibiu numerosos golpes cunha barra de ferro e que non existían denuncias por malos tratos contra a súa parella.

A parella atopábase en trámites de separación e ao parecer produciuse unha discusión por mor dun teléfono, segundo as fontes.

A Policía Nacional activou o protocolo por morte violenta, aínda que, ata que non avance a investigación, o caso polo momento non foi clasificado como violencia machista. 

Comentarios