Axentes da Policía Local da Coruña detiveron este luns a un home por agredir a súa muller diante dos seus fillos. O suceso produciuse sobre as 06.20 horas na zona da Sagrada Familia.
Dúas patrullas da Policía Local foron comisionadas pola sala operativa ao ser alertadas dunha pelexa nun domicilio. Ao chegar, atopáronse a un home saíndo correndo do portal e a unha muller que lles realizaba acenos. Esta veciña, de 25 anos e acompañada por dous nenos menores de idade, manifestoulles que a súa parella, que acababa de saír do domicilio, chegara en estado ebrio e golpeáraa por todo o corpo con patadas e puñadas.
A muller afirmou que a agresión se produciu en presenza dos menores e que non era a primeira vez que era agredida.
O home manifestou á súa vez que acababa de discutir coa súa muller e que esta lle mordera nunha man. Finalmente, procedeuse á detención do agresor sendo denunciado por un delito de violencia de xénero con resultado de lesións.
