Galicia rexistra un total de 195.971 afectados en 33.486 Expedientes de Regulación Temporal de Emprego (Erte), segundo datos da Consellería de Economía deste mércores.
En comparación co martes, os expedientes de regulación elévanse un 0,9%, mentres que os traballadores afectados son un 0,8% máis.
Por provincias, en Pontevedra hai 74.678 afectados en 11.684 en expedientes. Na Coruña, son 60.638 afectados en 12.911 expedientes.
A máis distancia sigue Ourense (16.499 afectados en 3.994 expedientes) e Lugo (14.196 traballadores en 3.937 Erte).
En Galicia, hai 960 Erte con impacto a nivel autonómico, que contan con 17.343 traballadores. Mentres, os expedientes temporais estatais con incidencia na Comunidade afectan a 12.617 empregados.
