A Unidade de Delincuencia Económica e Fiscal ( Udef) da Policía Nacional comunicou á Audiencia Nacional que Jordi Pujol Ferrusola e a súa exmlljer, Mercé Xironés, presuntamente branquearían diñeiro a través de décimos de lotería.
En 2004, Xironés cobrou tres décimos de lotería premiados con 180.000 euros e ingresounos nunha entidade bancaria de Barcelona, sostén o xornal El Mundo. Días despois, Pujol Ferrusola sacou 200.000 euros en efectivo dun banco de Andorra.
A Udef informou ao xuíz da Audiencia Nacional José de la Mata de que os décimos se cobraron 24 días despois de ser premiados, algo pouco habitual. Segundo o diario, o xuíz ve indicios de que os 200.000 euros puideron usarse para comprar os boletos e pagar a comisión do lavado de diñeiro.
A Udef detectou estes movementos na súa investigación do financiamento das campañas electorais de Convergéncia Democrática de Cataluña ( CDC), que foron avaladas polo clan a través da súa fortuna oculta en Andorra.
El Mundo tamén publica este luns que a Policía Xudicial implica ao expresidente da Generalitat Artur Mas no financiamento irregular das campañas de CDC, e avoga por atribuír novas responsabilidades ao político catalán.
