Unha guindastre dun edificio en obras venceuse este martes sobre a cuberta da capela do Cristo, no centro de O Porriño, que esnaquizou parcialmente, sen que se rexistrasen danos persoais, informaron fontes do servizo de Urxencias e municipais.
O incidente produciuse cara ás 10.40 horas e os servizos de Urxencia mobilizáronse tras a alerta do accidente comunicada por unha persoa.
Dúas traballadoras do servizo de limpeza da vía pública foron atendidas por unha crise de ansiedade.
Segundo relatou a Efe a alcaldesa do Porriño, Eva García de la Torre, as dúas empregadas estaban preto da zona onde caeu o guindastre, na que hai un parque infantil e o edificio de Telefónica, sobre cuxa fachada quedou apoiada parte da pluma do guindastre.
Me manda fotos mis padres. Una grúa torre cayó sobre la capilla del Cristo en Porriño pic.twitter.com/ORxo2UWrKw
— googleplex 💻 🏠 (@Googlepex) March 17, 2020
Ese espazo, habitualmente transitado, estaba practicamente baleiro pola reclusión forzada pola pandemia do coronavirus.
Da Torre informou de que os técnicos municipais están a avaliar os motivos polos que se venceu o guindastre logo de descargar uns palés de pedra da fachada dun edificio en construción.
A zona quedou acordoada ata que se proceda á retirada do guindastre, que golpeou e esnaquizou a parte dianteira da cuberta da capela, cerca do campanario.
A alcaldesa do Porriño celebra que os danos sexan só materiais.
Seguimos recopilando información sobre el desplome de una grúa de obra en O Porriño que ha derrumbado la parte central de la iglesia del "Cristo" y provocando daños materiales también en un edificio anexo. Seguimos informando desde @radiovigo y @SERBAIXOMINO pic.twitter.com/VFIgVgN02q
— Radio Vigo (@RadioVigo) March 17, 2020
