viernes. 03.07.2020 |
El tiempo
viernes. 03.07.2020
El tiempo

Benidorm habilita wifi gratuíto nas súas praias

A praia de Levante, abarrotada en tempada alta. EFE
A praia de Levante, abarrotada en tempada alta. EFE

O servizo xa está dispoñible no areal de Levante e antes do 20 de abril estenderase a outros tres e ao casco antigo da cidade

A cidade alacantina de Benidorm comezou a implantar o servizo de wifi de acceso gratuíto nas súas praias, en concreto na de Levante, para converterse no primeiro destino turístico intelixente do país.

O número de conexións anuais á rede wifi nas praias de Benidorm será duns dous millóns, segundo o cálculo realizado pola empresa encargada da instalación.

Esta rede xa está dispoñible na de Levante e antes do 20 de abril tamén o estará na de Poniente, La Cala, El Castell e a zona do casco antigo da cidade.

Así o avanzou este mércores o alcalde de Benidorm, Toni Pérez, quen presentou o novo servizo tecnolóxico xunto aos responsables da empresa instaladora, Mauricio Sosias e Manuel Bas.

A rede permitirá a navegación por internet a alta velocidade de forma simultánea a uns 20.000 usuarios, concretou Sosias, quen precisou que "cada conexión terá unha duración máxima de trinta minutos, pero, unha vez finalizada, poderase volver conectar sen problemas". "Faise así por unha cuestión de seguridade, para evitar abusos por parte de automatismo", aclarou.

Tanto a Fundación Visit Benidorm como a mercantil Wiongo levan nove meses traballando no desenvolvemento do proxecto, que terá unha duración de catro anos "sen ningún custo para as arcas públicas", segundo fontes municipais.

O alcalde resaltou o "paso moi importante" que supón este avance na "transformación dixital do turismo", na que Benidorm "quere ser líder converténdose no primeiro Destino Turístico Intelixente".

Benidorm habilita wifi gratuíto nas súas praias
Comentarios