O Papa Francisco continúa á fronte da Igrexa católica coa súa liña 'progresista'. O último xesto do Santo Pai foi anunciar a posible introdución dun novo pecado: o ecolóxico.
“Nós debemos introducir -estamos a pensalo- no Catecismo da Igrexa católica o pecado contra a ecoloxía, o pecado ecolóxico contra a casa común, porque é un deber”, indicou o Sumo Pontífice.
O Papa Francisco incluíu dentro do que denomina 'ecocidio': "a contaminación masiva do aire, dos recursos da terra e da auga, a destrución a gran escala de flora e fauna, e calquera acción capaz de producir un desastre ecolóxico ou destruír un ecosistema".
Para rematar, o Santo Pai engadiu que "certas condutas" das que as empresas adoitan ser "responsables", "non queden impunes".
