O cadáver achado nun monte de Boiro correspóndese co de Francisco José Martínez

O varón, veciño de Ribeira, levaba desaparecido desde o 7 abril

 Francisco José Martínez. TVG
photo_camera Francisco José Martínez. TVG

O corpo en avanzado estado de descomposición que foi localizado na parroquia de Triñáns, en Boiro, pertence a Francisco José Martínez Pego, o veciño de Ribeira que levaba desaparecidos desde o 7 de abril, segundo confirmou a Garda Civil. De feito, esta era unha das principais hipótesis que se barallaban. 

Na mañá deste xoves practicouse a autopsia ao cadáver, que foi localizado ás 15.50 horas do mércores no monte, aínda que a información non transcendeu ata o outro día. Os resultados de determinado análise confirmaron a identidade do home.

O corpo, que estaba semidesnudo, non presenta signos externos de violencia e a roupa atopaba xunto ao cadáver coincidía coa do home desaparecido. 

Francisco José Martínez Pego, de 54 anos, residía coa súa exparella e dous fillos da muller, e con el levou a totalidade da súa roupa e documentación cando desapareceu. A denuncia foi presentada na tarde do domingo 8 de abril no cuartel da Garda Civil de Boiro. O home non atravesaba por un bo momento.